|
|| أجعلنا الصفحة الرئيسية || أضفنا للمفضلة || |
|
|||||||
| الهندسة الميكانيكية - Mechanical Engineering الهندسة الميكانيكية - برامج - كتب هندسية - هندسة الإنتاج - ميكانيكا عامة - ميكانيكا آلات كهربائية - Mechatronics & Robotics - Drafting |
 |
|
|
LinkBack | أدوات الموضوع |
28-02-2010, 09:14
|
#1 |
|
مهندس استشارى
 تاريخ التسجيل: 08 2008
الدولة: Cairo
المشاركات: 178
شكراً: 0
تم شكره 2 مرة في 2 مشاركة
 |
اللحامات ( welding )
[align=center][align=center]بسم الله الرحمن الرحيم
بأذن الله يا جماعه الموضوع ده هيكون عن اللحامات اى حد عايز يحط اى حاجه عن اللحامات يحط براحتوه وميبخلشى علينا واى حد عنده سؤال يحطه وهنحاول ندور معاه على الاجابه وبجد موضوع اللحامات مهم جدا بالنسبه لينا خصوصا ان احنا معظم شغلنا حاجات ملحومه فى بعض وهناك انواع كتيره للحام ومجال واسع هنحاول نمسكه واحده واحده ودلوقتى هنبتدى بشرح الرموز بتاعة اللحام اللى بتبقى على الرسم  دى الصوره العامه ودى بتشرح كل حاجه وهنبتدى نوضح حاجه حاجه  الصوره اللى فوق بتوضح ان مقطع اللحام بيتم وضعه على السهم ( يعنى لو كان اللحام على هيئة حرف U بيتم وضع على السهم حرف U وهكذا طب الرمز ده بيتحط فوق ولا تحت بيتحط فوق لو كان اللحام فى عكس اتجاه السهم وبيتحط تحت لو كان اللحام فى نفس اتجاه السهم والصوره اللى تحت بتوضح اكتر  ودى كمان  بعد كده ننتقل لرمزين تانيين وهما العلم والدائره العلم بيدل على ان اللحام بيتم فى الموقع مش فى الورشه والدائره معناها اننا بنلحم حوالين اغلمكان كله ( والرسمتين اللى تحت بيوضحوا اكتر )   هنبتدى نفرق بقى شويه ونمسك النوع Fillet Welds وده بيكون القطعتين بيكونوا زاويه او حرف T يعنى مش متقابلين زى ما فى الرسمه اللى تحت وده غالبا ما بيكون الرمز بتاعه على السهم مثلث  اطوال الاضلاع لمثلث اللحام توضع على يسار المثلث كما بالرسم  طول اللحام يوضع على يمين المثلث كما بالرسم  وفى حالة ان يكون اللحام متقطع يتم كتابة البعد الاول من على اليسار ثم بعدها المسافه بين بدايات اللحام كما بالرسم  ننتقل لنوع آخر وهو Groove Welds ( اللحام الغائر ) وفيه يكون اللحام متصل ويكون مستوى واحد بس الرمز بيكون مختلف على حسب مقطع اللحام وفى ما يلى أمثله ( الصور موضحه نفسها فمش هشرحها ولو حد عايز حاجه ممكن يسأل )   لاحظوا فى الصوره اللى تحت ان البعد لما بيكون مكتوب على اليسار بيدل على عمق اللحام ولما بيكون جوه الرمز بيدل على البعد بين القطعتين وطبعا مننساش الزاويه  اللى تحت بقى مش فاهمها يا ريت لو حد فهمها يفهمنى  وزى ما انتم شايفين فى اللى تحت بيختلف المقطع بتاع اللحام بس  نفس الكلام   الصوره اللى جايه بقى لما بنلحم انبوبتين فى بعض والرقم الاول من على اليسار بيدل على المسافه بين نقطة التماس وآخر اللحام والرقم بين القوسين يدل على طول اللحام دى بقى شبه اللى فوق بس انبوبه مع جدار واللحام فوق وتحت اللى تحت بقى هو الشائع  وده بقى النوع الاخير Plug and Slot Welds وده اللى فهمته عنه ( ياريت لو حد يمدنا بمعلومات زياده عنه ) ده عباره عن قطعتين فوق بعض زى ما فى الصوره واحده فيهم فيها فتحه وبيتم ملئها باللحام اللى بيزيب جزئ فى القطعه السفلى مكون رابط بين القطعتين  انتهى الدرس الاول ( ومعلشى لو كان فى نقص كبير بس علشان انا مدرستش المجال ده لسه غير فى التدريب ) وياريت لو حد عنده معلومات اكتر يشاركنا بيها والدرس القادم بأذن الله هيكون فى انواع اللحام ( وأوعدكم انى هحاول اخليه مرتب ومنظم اكتر ) للموضوع بقيه ان كان فى العمر بقيه[/align][/align] المصدر: منتدى المهندس كوم كلية الهندسة |
|
|
|
| مواقع النشر (المفضلة) |
| الكلمات الدلالية (Tags) |
| المجالات, welding |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| سلسلة الفيديوهات التعليمية فى مختلف المجالات و خصوصا المجالات الصناعية | mido61285 | الهندسة الصناعية | 56 | 10-02-2012 06:10 |
| وظائف خاليةجديدة فى جميع المجالات | habybak2000 | منتدى الوظائف والتوظيف - Jobs and employment | 4 | 27-12-2010 01:56 |
| كتاب مهم فى اللحامات | جمال جودة علي | الهندسة الصناعية | 67 | 24-04-2009 11:15 |
| Welding Handbook: Welding Processes, Vol. 2 (American Welding Society/Welding Handbo | م/محمد لطفي | كتب هندسة - Engineering books | 2 | 29-03-2009 07:48 |
| Welding Handbook: Engineering, Costs, Quality, and Safety (American Welding Society/ | م/محمد لطفي | كتب هندسة - Engineering books | 5 | 29-03-2009 07:46 |
